सेयर बजारमा आज पनि दोहोरो अंकको बृद्धि, परिसूचक १२९२.१२ बिन्दुमा

काठमाडौं, १२ बैशाख । साताको अन्तिम दिन बिहिबार (आज) सेयर बजारमा हरियाली छाएको छ । नेपाल स्टक एक्सचेञ्ज (नेप्से)मा सुचिकृत सबै समूहको परिसूचक बढेपछि समग्रमा बजार १२.८३ अंकले बढेर १२९२.१२ को बिन्दुमा चढेको छ।

१ सय ७६ कम्पनीको ४५ लाख २१ हजार ९७६ सेयर किनबेच हुँदा १ अर्ब ३५ करोड ८४ लाख १६ हजार ९१७ रुपैयाँको कारोबार भएको छ । जसमध्ये सबै भन्दा बढी सेयर नेपाल बैंक लिमिटेडको भएको छ । बैंकको १८ करोड ४१ लाख ६४ हजार ९१७ रुपैयाँको सेयर कारोबार भएकोछ ।

त्यस्तै, सबैभन्दा बढी कमाउँनेमा एभरेष्ट इन्स्योरेन्स कम्पनी लिमिटेड रहेको छ । इन्स्योरेन्स कम्पनीको प्रतिसेयर मूल्य ४२ अंकले बढेको छ । सबैभन्दा बढी गुमाउँनेमा तारागाउँ रिजेन्सी होटल लिमिटेड रहेको छ । होटलको प्रतिसेयर मूल्य २४ अंकले घटेको छ ।