प्रभु बैंकको शाखा कार्यालय कैलालीको टीकापुरमा
काठमाडौं, ३१ जेठ । प्रभु बैंक लिमिटेडले कैलालीको टीकापुर नगरपालिका वडा नं. १ मा टीकापुर शाखा कार्यालय स्थापना गरेको छ । उक्त शाखा कार्यालयको उद्घाटन गर्दै नगरपालिकाका प्रमुख टपेन्द्र बहादुर रावलले प्रभु बैंकले देशका विभिन्न ठाउँमा पुगेर बैंकिङ्ग सेवा विस्तार गरेकोमा खुशी प्रकट गरे ।
रावलले सो शाखा कार्यालयबाट त्यस क्षेत्रका सरकारी निकाय, व्यवसायी तथा सर्वसाधारणलाई सरल र सहज रुपमा गुणस्तरीय बैंकिङ्ग सेवा उपभोग गर्ने अवसर मिल्ने बताए ।
टीकापुर शाखासहित हाल बैंकले १ सय ८४ वटा शाखा, १ सय ४६ वटा एटीएम र २३ वटा एक्सटेन्सन काउण्टरहरुमार्फत् सेवा प्रवाह गरिरहेकोे छ ।
