प्रदेश ५ को योजना आयोगका उपाध्यक्ष श्रेष्ठले दिए राजिनामा
काठमाडौं, २ असार । प्रदेश नम्बर ५ का नीति तथा योजना आयोगका उपाध्यक्ष डा. प्रकाशकुमार श्रेष्ठले पदबाट राजिनामा दिएका छन् । श्रेष्ठले मुख्यमन्त्री शंकर पोखरेलसमक्ष राजिनामा दिएर पुन नेपाल राष्ट्र बैंकको काममा फर्किएका हुन ।
डा. श्रेष्ठलाई ०७४ चैत ६ गते बसेको मन्त्रिपरिषद् बैठकले प्रादेशिक योजना आयोगको उपाध्यक्षमा नियुक्ति गरेको थियो । श्रेष्ठले १५ महिना प्रादेशिक योजना आयोगको उपाध्यक्षको जिम्मेवारीमा रहँदा प्रदेशको वस्तु विवरण स्थितिपत्र र आवधिक योजना बनाउने जस्तो महत्त्वपूर्ण काम गरेका थिए ।
श्रेष्ठले जेठ १४ गते नै राजिनामा दिएपनि बजेट सार्वजनिक गर्नुअघि गोप्य राखिएको थियो ।
