बाढीका कारण रेलमार्गमा करिब १० करोडको क्षति, पुन: निर्माणमा जुट्यो विभाग
काठमाडौं,९ साउन । बाढीका कारण जनकपुर–जयनगर रेलमार्गमा करिब १० करोड रुपैयाँ बराबरको आर्थिक क्षति भएको छ । कमला नदीको बाढीले खजुरी र इनर्वा स्टेशनबीचको ७० मिटर लामो लिक बगाउदा दस करोड बराबरको क्षति पुगेको रेल विभागले जनाएको छ ।
जनकपुर–जयनगर रेलमार्गको लिकमा बाढीले क्षति पु¥याए पनि निर्धारित मितिमा रेल सञ्चालन नरोकिने विभागले बताएको छ । क्षति भएको लिक केही समय भित्र पुन निर्माण पुरा हुने र आगामी तीन महीनाभित्र पहिलो रेल संचालनका लागि तयार गरी सक्ने विभागको तयारी छ । सरकार–सरकार (जीटुजी) प्रक्रियाबाट भारत सरकारसँग दुईओटा रेल का लागि प्रकृया अघि बढाइ सकेको छ । रेल खरीदका लागि ८५ करोड रुपैयाँ निकासा भइसकेको छ ।
