उदयपुर सिमेन्ट उद्योग पुनः सञ्चालनमा, ६० दिन बन्द हुँदा २० करोड घाटा
काठमाडौं,२३ साउन । उदयपुर सिमेन्ट उद्योग पुनःसञ्चालनमा आएको छ। झण्डै ६० दिन बन्द भएको उदयपुर सिमेन्ट उद्योग मर्मतपछि पुनःसञ्चालनमा आएको हो । विद्युत् भोल्टेज गडबडी हुँदा हाइटेन्सनमा रहेको क्लिंकर पोल्ने प्रारम्भिक मेसिन बिग्रिए पछि सिमेन्ट उद्योग बन्द भएको थियो । बुटवलस्थित नेपाल इन्जिनियरिङ एन्ड हाइड्रो वर्कसपबाट मर्मत गरेर ल्याएपछि उद्योग पुनःसञ्चालन भएको उदयपुर सिमेन्ट उद्योगका निमित्त महाप्रबन्धक नवलकिशोर साहले जानकारी दिए । सरकारी स्वामित्वको उदयपुर सिमेन्ट उद्योग ६० दिन लगातार बन्दा हुँदा उद्योगलाई २० करोडभन्दा बढी घाटा भएको छ। गत आर्थिक वर्ष ०७५/७६ मा २३ लाख बोरा सिमेन्ट उत्पादन गरेको थियो ।
