सचिव नियुक्तिपछि वित्तिय आयोगको संरचना तयार गरिदैं, अध्यक्ष नियुक्ति संसदबाट

काठमाडौं, पुस १५ । सरकारले राष्ट्रिय प्राकृतिक स्रोत तथा वित्तिय आयोगमा सचिव नियुक्त गरेसँगै वित्तिय आयोगका संरचना बन्ने क्रम अघि बढेको छ । वित्तिय आयोगमा सरकारले अर्थमन्त्रालयका सहसचिव बैकुण्ठ अर्याललाई कायममुकायम सचिवको जिम्मेवारी दिएर पठाएको छ । सचिव नियुक्तिसँगै आयोगमा कर्मचारीहरु नियुक्त हुनेछन् । आयोगको अध्यक्ष भने संसद् गठनभएपछि नियुक्त गरिनेछ । राष्ट्रिय प्राकृतिक स्रोत तथा वित्तिय आयोग केन्द्र, प्रदेश र स्थानीय तहमा प्राकृतिक स्रोत तथा राजस्वको बाँडफाँडका लागि संविधानमा व्यवस्था भएको आयोग हो ।
संवैधानिक आयोग भएकाले अध्यक्षको नियुक्ति संसद्बाट गर्न लागिएको हो । राष्ट्रिय प्राकृतिक स्रोत तथा वित्तिय आयोग गठन भएपछि यसले केन्द्र, प्रदेश र स्थानीय तहमा राजस्व बाँडफाँड तथा प्राकृतिक स्रोतको उपयोगका सम्बन्धमा निर्णय हुनेछन् ।