धरौटी रकम बृद्धि गर्न नसके पछि मर्जरमा जान थाले म्यानपावर कम्पनी

काठमाडौं १६ भदौ । म्यानपावर कम्पनीहरु धमाधम मर्जरमा जान थालेका छन् । सरकारले म्यान पावर कम्पनीहरुको धरौटी रकम बृद्धि गरे पछि कम्पनीहरु मर्जरमा जाने भएका हुन् ।
सरकारले आगामी भदौ १८ गतेसम्म सबै म्यानपावर कम्पनीहरुलाई धरौटी रकम बृद्धि गर्न निर्देशन दिएको छ । धरौटी रकम बृद्धि गर्न नसक्ने कम्पनीहरु मर्जरमा जान थालेका हुन् ।

विभागको तथ्यांक अनुसार गत शनिबारसम्म २ सय १४ म्यानपावर कम्पनी मर्जरमा गएका छन् ।
मर्जरमा जाने म्यानपावर कम्पनी गाभिएर ९२ वटा म्यानपावर कम्पनी बन्न लागेको वैदेशिक रोजगार विभागले जानकारी दिएको छ । विभागका अनुसार ६ वटा कम्पनीसम्म मर्जरमा जान लागेका छन् ।
शनिबारसम्म विभागमा दुई वटा म्यानपावर कम्पनी मर्जरमा जानका लागि ७५ वटा निवेदन विभागमा परेका छन् । ३ वटा म्यानपावर कम्पनी गाभिन ७ वटा निवेदन, ४ वटा गाभिन ८ वटा निवेदन, ५ वटा गाभिन १ वटा निवेदन र ६ वटा गाभिन १ वटा निवेदन परेको विभागले बताएको छ ।
त्यस्तै गत शनिबारसम्ममा ५ सय ६४ वटा कम्पनीले धरौटी रकम कायम गरेका छन् ।

 

 

Leave a Reply

Your email address will not be published. Required fields are marked *