एनआईसी एशियाको मोबाइल बैंक प्रयोग गरी ‘वान प्लस सेभेन’ किन्दा १० प्रतिशत क्यास ब्याक हुने
काठमाडौं, १८ भदौ । ग्लोबल कि टेक्नोलेजिजको रिचार्जर एपबाट एनआईसी एशियाको मोबाइल बैंक प्रयोग गरी वान प्लस सेभेन मोबाईल फोन खरिद गर्दा १० प्रतिशत क्यास ब्याक हुने भएको छ । उक्त एपको क्यूआरार्फत् वान प्लस सेभेन मोबाइल फोन खरिद गर्दा क्यास ब्याक हुने बैंकले जनाएको छ ।
यो योजना लागु गर्न बैंक र ग्लोबल कि टेक्नोलेजिजबीच मंगलबार सम्झौता भएको हो । उक्त सम्झौतापत्रमा बैंकका सहायक प्रमुख कार्यकारी अधिकृत सन्तोष कुमार राठी र टेक्नोलेजिज कम्पनीका अध्यक्ष किसन राईले हस्ताक्षर गरेका हुन् ।
यो योजना भदौ १८ गते (आज)बाट लागु भई असोज १ गते समाप्त हुने बैंकले जनाएको छ । रिचार्ज एपले ल्याएको यस्तो योजनामा अन्य बैंकको मोबाइल बैंकिङ मार्फत् उ्रक्त मोबाईल फोन खरिद गर्दा ५ प्रतिशत मात्र क्यास ब्याक प्राप्त हुनेछ ।
हाल बैंकले २ सय ९७ शाखा कार्यालय, ३ सय ५० एटिएम, ५८ वटा एक्स्टेन्सन काउण्टर र ४१ वटा शाखारहित बैंकिङ्गमार्फत् सेवा प्रदान गर्दै आएको छ ।
