सरकारले बिक्रीका लागि ल्याएका अधिकांश खसीबोका सकिए, च्याग्रा भने बिक्री गर्नै मुश्किल

काठमाडौं, १६ असोज । सरकारले दशैंका लागि बिक्री गर्न ल्याएको सहुलियत दरका अधिकांश खसीबोका बिक्री भइसकेका छन् । नेपाल खाद्य व्यवस्था तथा व्यापार कम्पनी लिमिटेडले गत सोमबार देखि खसिबोका तथा च्याग्रा बिक्री सुरु गरेको थियो । यो वर्ष एक हजार खसीबोका र एक हजार नौ सय २० च्याग्रा बिक्रीका लागि ल्याइएको छ । ति मध्ये खसीबोकाहरु ५० वटा भन्दा कम भएपनि अधिकांश च्यांग्रा भने विक्री नै भएको छैन ।

बाँकी रहेका खसीबोकाहरु पनि साना र दुब्ला भएको सर्वसाधारणहरुको गुनासो छ । आज बिहान खसी खरिद गर्न आएका सर्वसाधारणहरुले चाहेको जस्तो खसी पाउँन नसकेको गुनासो गरे । उनीहरुका अनुसार सरकारको यो कदम राम्रो भएपनि सिमित खसीबोकाहरु ल्याएकाले सहजै चाहेको जस्ता खसीबोकाहरु पाउन सकिएको छैन । आज बिहानसम्म करिब २२ सयभन्दा बढी खसीबोका र च्याग्रा विक्री भइसकेको कम्पनीका अञ्चल प्रवन्धक रनबहादुर बुढाथोकीले जानकारी दिए ।

कम्पनीले वीरगञ्ज, तुलसीपुर लगायतका जिल्लाबाट खसीबोका र मुस्ताङ्ग सहित केही हिमाली जिल्लाबाट च्याङ्ग्रा ल्याउने हो । सरकारले अघिल्ला वर्षको तुलनामा यो वर्ष बढी खसीबोका तथा च्यांग्रा बिक्रीका लागि ल्याएको छ । अघिल्लो वर्ष १५ सय देखि २ दुई हजारसम्म खसीबोका बिक्री भएको थियो । सहुलियत मूल्यमा खसीबोकाहरु पाउँने भएकाले धेरै मात्रामा सर्वसाधारणलाई फाईदा पुगेको प्रतिक्रिया छ । पहिला आउनेले छानेर लाने भएकाले बाँकी खसीबोकाहरु साना र दुब्दो भएपनि स्वास्थ्य परिक्षण गरेर राख्ने भएकाले स्वस्थ रहेको बुढाथोकीले बताए । दशैंमा ३३ लाख खसिबोका खपत हुने अनुमान गरिएको छ।

Leave a Reply

Your email address will not be published. Required fields are marked *