उपेन्द्र महतो भन्छन्– एनआरएनको चुनाव भए जान्छु, दलको चुनावमा जान्नँ

काठमाडौं, २९ असोज । गैर आवासीय नेपाली संघका संस्थापक अध्यक्ष उपेन्द्र महतोले गैर आवासीय नेपाली संघभित्र राजनीति हावी भएको भन्दै असन्तुष्टी व्यक्त गरेका छन् । मंगलबार एनआरएनएको नवौं विश्व सम्मेलनको उद्घाटन सत्रमा उनी देखिएनन् । संस्थाभित्र राजनीतिकरण बढ्दै गएको भन्दै असन्तुष्ट देखिएका उनले दलीय आधारमा निर्वाचन भए निर्वाचनमा समेत सहभागी नहुने बताएका छन् ।

‘गैर आवासीय नेपाली अभियानको मर्म र भावना विपरित गए यो संस्थाले उद्देश्य प्राप्त गर्न सक्दैन,’ उनले भने, ‘संस्थामा विचलन नआओस् भनेर हामीले सजग गराउनुपर्छ । म यसमा सक्रिय रुपले लागेको छु ।’ उनले विश्व सम्मेलनको उद्घाटन सत्र बहिष्कार नगरेको बताए । ‘दलीय आधारमा निर्वाचन नहोस् भनेर म त्यही कसरतमा व्यस्त छु,’ उनले भने । संस्थापक र अग्रजको कुरा सुनिदैंन र दलीय आधारमा निर्वाचन हुने स्थितिमा आपूmले निर्वाचनमा सहभागी नहुने उनले बताए ।
‘एनआरएन मात्रको चुनाव भए जान्छु, दलको चुनावमा जान्नँ,’ उनले भनेका छन् ।

Leave a Reply

Your email address will not be published. Required fields are marked *