खारेजीमा परेपछि पनि ठगी गर्दै म्यानपावर कम्पनी, ठगी गर्ने म्यानपावर कम्पनीको कार्यलयमा सिलबन्दी

काठमाडौ ६ कार्तिक । धरौटी रकम थप गर्न नसकी खारेजीमा परेका म्यानपावर कम्पनीले बैदेशिक रोजगारीको नाममा ठगी गरेको पाईएको छ । काठमाडौ स्थित सिलिंक ओभरसिश सर्भिसले बैदेशिक रोजगार विभागको निर्देशन विपरित रोजगारीमा लैजाने भन्दै सर्वसाधारणलाई झुक्काएको विभागले जनाएको छ ।

पिडित निमिका शेर्पा समेतको उजुरीमा विभागले म्यानपावर कम्पनीमा गत सोमबार आकस्मिक अनुगमन गरेको थियो । अनुगमनमा ८० जना व्यक्तिहरु म्यानपावर परिसरमा राहदानी र रकमका लागि कुरिरहेको भेटिएको विभागले जनाएको छ । साथै कम्पनीले विभागको निर्देशन विपरित हाल पनि कार्यालय खडा गरी वैदेशिक रोजगारमा पठाईदिने भनी व्यक्तिहरुसँग रकम र राहदानी संकलन गरिरहेको अनुगमन टोलीको प्रारम्भिक अनुसन्धानमा फेला परेको छ ।
अनुगमन टोली आएको थाहा पाएपछि म्यानपावर संचालक भनिएका अनिस सुन्दास सम्पर्क विहिन भएका छन् । म्यानपावरमा रहेका राहदानी र व्यक्तिहरुले रकम वुझाएको प्रमाण भएका कागजातहरु सुरक्षित गर्नको लागि घर धनी, पत्रकार र सुरक्षाकर्मीको रोहवरमा घरलाई सिलवन्दी गरिएको छ ।

गत भदौ २४ गते वौद्ध प्रहरीले उक्त म्यानपावरले संकलन गरेका करिव १५० जना व्यक्तिहरुको राहदानी सहित कर्मचारीलाई वौद्ध क्षेत्रवाट नियन्त्रणमा विभागमा मानिस सहित राहदानी वुझाएको थियो । जसको हाल विभागले विस्तृत अनुसन्धान गरिरहेको छ । फरार संचालक बिरुद्ध विभागले कानूनी कारवाही अघि बढाएको छ ।

 

 

Leave a Reply

Your email address will not be published. Required fields are marked *