नेप्से ७.९७ अंकले बढेर बन्द भयो, कारोबार रकम भने ३६ करोड मात्र

काठमाडौं, २३ पौष । आइतबार शेयर बजारमा वृद्धि देखिएको छ । शेयर बजारको परिसुचक नेप्से ७.९७ अंकले बढेर १४३१.८० विन्दुमा पुगेको छ ।

आइतबार शेयर बजारमा वृद्धि भएपनि कारोबार रकमलाई हेर्ने हो भने कम भएको मानिन्छ । आज आइतबार नेप्सेमा ३६ करोड १६ लाख २५ हजार १२९ रुपैयाँको कारोबार भएको छ । सोहि दिन १५७ कम्पनीहरुको १५ लाख ८ हजार एक सय कित्ता शेयरको कारोबार भएको छ ।

गत साताको आइतबार नेप्से परिसुचक १४०० विन्दु भन्दा तल झरेको थियो । तर शेयर बजारको सोमबार देखिएको उछालले पुनः नेप्से परिसुचकलाई १४०० विन्दु माथि नै अढाएको छ । निरन्तर ओरालो लागि रहेको शेयर बजारमा शेयरको मुल्यमा समेत गिरावट आएको छ । सोहि गिरावटको फाइदा लिन केहि लगानीकर्ताहरुले शेयर खरिद गरेका छन् । विशेष गरि नेप्से ओरालो लाग्दा सिमित लगानीकर्ताहरुले अवसरको रुपमा लिएको देखिन्छ ।

Leave a Reply

Your email address will not be published. Required fields are marked *