१३ करोड राजस्व छलेको आरोपमा दोङगहवा कन्ट्रक्सनलाई विभागले मुद्धा दायर गर्यो

काठमाडौँ, २० कात्तिक । नेपाल दोङगहवा कन्ट्रक्सन इन्जिनियरिङ्ग कम्पनीलाई १३ करोड १३ लाख ११ हजार विगोको दोब्बरसम्म जरिवाना र ३ बर्ष कैदको माग सहित राजस्व अनुसन्धान विभागले काठमाडौ जिल्ला अदालतमा मुद्धा दायर गरेको छ । कम्पनीले बस्तु तथा सेवा खरिद नै नगरी झुठ्ठा तथा नक्कली मूल्य अभिबृद्धि कर विजक मात्र खरिद गरी राजस्व चुहावट गरेको विभागको आरोप छ ।

कम्पनीले अनुसन्धान तथा नियन्त्रण ऐन २०५२ को दफा ३ ले तथा दफा ४ निषेधित गरेको मूल्य अभिबृद्धि कर तर्फ ४ करोड २१ लाख रुपैयाँ र आयकर तर्फ ७ करोड ७७ लाख रुपैयाँ लुकाई मुनाफा वितरण गर्दा लाग्ने लाभांश कर १ करोड १४ लाख रुपैयाँ समेत राजस्व चुहावट गरेको विभागले अनुसन्धानले देखाएको छ । विभागले कम्पनी सञ्चालक याङ लिन, शे श्याङजुन, वे देगुई र सुविन श्रेष्ठलाई कैद सजाय सहित मंगलबार मुद्धा दायर गरेको हो ।

Leave a Reply

Your email address will not be published. Required fields are marked *