डा. केसीलाई अदालतमा उपस्थित गराईयो, माइतीघरमा समर्थक भेला भएपछि सुरक्षा व्यवस्थामा कडाइँ

काठमाडौं, २५ पुस । चिकित्साशास्त्र संकायका डिनलाई पुनस्र्थापना गर्ने सर्वोच्च अदालतको आदेशको विरोधमा आमरण अनशन शुरु गरेका त्रिभुवन विश्वविद्यालय शिक्षण अस्पतालका चिकित्सक गोविन्द केसीलाई प्रहरीले सोमबार अस्पताल परिसरबाट पक्राउ गरी सिंहदरबार प्रहरी वृत्तमा राखेको छ । सर्वोच्च अदालतले डा. केसीलाई अदालतमा उपस्थित गराउन आदेश दिएपछि उनलाई हिजो नै प्रहरीले नियन्त्रणमा लिएको थियो । उनलाई आज अदालत गराईयो । डा. केसीलाई प्रहरीले अपराधीसरह प्रक्राउ गरी हिरासतमा लिएको विरोधमा डा. केसीका समर्थकहरु बिहानैदेखि माइतीघर मण्डलामा भेला हुन थालेका छन् ।


माइतीघरमा समर्थकको उपस्थिति बढ्दै गएपछि प्रहरीले सुरक्षा व्यवस्था कडा बनाएको छ । मेडिकल शिक्षामा सुधारका लागि डा. केसी पटक—पटक अनशन बस्दै आएका छन् । डा. केसीलाई अदालतले मानहानी गरेको भन्दै अदालतमा उपस्थित गराउन आदेश दिएको थियो ।

Leave a Reply

Your email address will not be published. Required fields are marked *