प्रधानमन्त्री रोजगार कार्यक्रमका लागि विश्वबैकसँग साढे १३ अर्ब विदेशी ऋण लियो सरकारले
काठमाडौं, २२ कात्तिक । सरकारले प्रधानमन्त्री रोजगार कार्यक्रमका लागि विश्व बैंकबाट प्रस्ताव भएको करिब १३ अर्ब ६२ करोड रुपैयाँ सहुलियतपूर्ण ऋण सहायता लिने स्वीकार गर्ने भएको छ । मन्त्रिपरिषद्को हालै बसेको बैठकले ऋण स्वीकार गर्ने निर्णय गरेको हो।
विश्व बैकबाट प्राप्त रकम प्रधानमन्त्री रोजगार कार्यक्रमका लागि खर्च गरिने श्रम, रोजगार तथा सामाजिक सुरक्षा मन्त्रालयले बताएको छ । मन्त्रालयका अनुसार रकम ४ देखि ५ वर्षभित्र ज्यालाको वितरण, सूचना प्रणालीको निर्माण र रोजगार सेवा केन्द्रको सदृढीकरणमा खर्च गरिनेछ ।
करिब ७० प्रतिशत रकम अर्थात साढे ९ अर्बजति सूचना प्रणाली र ज्यालामा खर्च गरिने र त्यसबाहेकका रकम ७५३ स्थानीय तहकै रोजगार सेवा केन्द्रको सदृढीकरणमा खर्च हुने मन्त्रालयले जनाएको छ । चार वर्षको अवधिमा खर्च गर्नेगरि यो ऋण लिइएको हो।
