नेपाल बंगलादेश बैंकले ५ प्रतिशत बोनस र ७ प्रतिशत नगद लाभांश दिने
काठमाडौं, १६ मंसिर । नेपाल बंगलादेश बैंकले पुस ७ गतेका लागि साधारण सभा आह्वान गरेको छ । बैंक सञ्चालक समितिको बैठकले उक्त निर्णय गरेको हो ।
सो साधारण सभामा बैंकले ५ प्रतिशत बोनस र ७ प्रतिशतका दरले नगद लाभांश वितरणको प्रस्ताव पेश गर्नेछ । बोनस सेयरका लागि ४० करोड २४ लाख रुपैयाँ र नगद लाभांशका लागि ५६ करोड ६१ लाख रुपैयाँ खर्चने छ ।
बोनस सेयर र नगद प्रयोजनका लागि मंसिर २६ गते एक दिन बैंकको सेयर रोक्का गरिने छ ।
