बैंकका कर्मचारी माथि गभर्नरको प्रश्न, चेक चिन्न नसक्ने कर्मचारी राखेर जनताको विश्वास जित्न सकिन्न्
काठमाडौं, २० मंसिर । नेपाल राष्ट्र बैंकका गभर्नर डा. चिरञ्जीवि नेपालले बैंकहरुको कर्मचारीको क्षमता माथि प्रश्न उठाएका छन् । ग्लोबल आईएमई र जनता बैंकको एकीकृत कारोबार समारोहमा उनले कर्मचारीको क्षमता अभिबृद्धिमा ध्यान दिन बैंकहरुलाई आग्रह गरे ।
पछिल्लो समय कर्मचारीहरुकै असावधानीका कारण ठगिका घटना हुन थालेको भन्दै उनले चेक समेत चिन्न नसक्ने कर्मचारीलाई बैंकमा राख्दा ग्राहकको विश्वास घट्ने बताए ।
कर्मचारीले आज एउटाको चेक अर्कैलाई दिए, भोली बिटोका बिटो पैसा दिएर पठाए भने के गर्ने प्रश्न गर्दै उनले अब यस्तो सहन नसकिने बताए ।
मानव संशाधन र प्रविधि बैंकको सबैभन्दा महत्वपूर्ण पक्ष भएको उल्लेख गर्दै उनले चनाखो बन्न सञ्चालक र व्यवस्थापकहरुलाई भने ।
राष्ट्र बैंकले नीति मार्फत नै यी क्षेत्रलाई मजबुत बनाउने बाटो अबलम्बन गर्ने जानकारी पनि गभर्नर नेपालले गराए ।
