लगानी सम्मेलनमा प्रस्तुत १४ परियोजनाको ११ खर्ब ८८ अर्बको लगानी प्रक्रिया अघि बढ्यो

काठमाडौं, १८ पुस । गत चैतमा भएको लगानी सम्मेलनमा प्रस्तुत १४ परियोजनाको पूर्वयोग्यता मूल्यांकन सम्पन्न भएको छ । लगानी बोर्डले ११ खर्ब ८८ अर्ब रुपैयाँ बराबरका ती १४ परियोजनाको सम्भावित लगानीकर्ताको सूची तयार पारेको हो ।

लगानी सम्मेलनमा ५० वटा सार्वजनिक परियोजना सोकेस गरिएको थियो । त्यसैबाट १४ परियोजनाका लगानीकर्ता छनोटले गति पाएको हो ।

यी परियोजना अघि बढेसँगै देशको ऊर्जा, उद्योग, यातायात तथा कृषि लगायत क्षेत्रका पूर्वाधार विकासमा सहयोग पुग्ने विश्वास लिइएको छ।

लगानी बोर्डले हाल करिब ५ खर्ब ६५ अर्ब रुपैयाँ कुल परियोजना लागत भएका ९ वटा विभिन्न क्षेत्रका कार्यान्वयन तथा सहजीकरण गरिरहेको छ । जसमध्ये करिब १ खर्ब ४ अर्ब रुपैयाँ लागतको अरुण तेस्रो परियोजनाले बाँध, विद्युत्गृह तथा सुरुङ जस्ता महत्त्वपूर्ण संरचना निर्माणमा करिब एक तिहाइ काम पूरा भएको छ ।

Leave a Reply

Your email address will not be published. Required fields are marked *