चालु आवको पुस मसान्तसम्ममा जीवन बीमा कम्पनीहरुको करिब ४७ अर्बको व्यवसाय

काठमाडौं, १० माघ । चालु आर्थिक बर्ष २०७६÷७७ को दोस्रो त्रैमास अवधिमा जीवन बीमा कम्पनीहरुले ४६ अर्ब ८९ करोड रुपैयाँ बराबरको बीमा व्यवसाय गरेका छन् । जसमध्ये कम्पनीहरुले प्रथम बीमाशुल्क वापत १५ अर्ब ३० करोड रुपैयाँ आर्जन गरेका छन् भने नविकरणीय बीमाशुल्क बापत ३० अर्ब ९९ करोड रकम आर्जन गरेका छन् । बैदेशिक रोजगार बीमाबाट भने कम्पनीहरुले १ अर्ब २२ करोड रुपैयाँ संकलन गरेका छन् ।

पुराना जीवन बीमा कम्पनीहरुमा नेपाल लाईफ इन्स्योरेन्सले सबैभन्दा धेरै १३ अर्ब ९६ करोड रुपैयाँ बीमाशुल्क आर्जन गरेको छ । कम्पनीले प्रथम बीमाशुल्क बापत ४ अर्ब संकलन गरेको छ भने नविरकणीय बापत ९ अर्ब ९५ करोड रुपैयाँ बीमाशुल्क संकलन गरेको छ । दोस्रोमा लाईफ इन्स्योरेन्स कर्पोरेशन परेको छ । कम्पनीले चालु आवको पुस महिनासम्ममा ७ अर्ब ६९ करोड रुपैयाँ बीमाशुल्क आर्जन गरेको छ । तेस्रो स्थानमा राष्ट्रिय बीमा संस्थान परेको छ । संस्थानले ५ अर्ब ८३ करोड रुपैयाँ बीमाशुल्क संकलन गरेको छ ।

नयाँ जीवन बीमा कम्पनीहरुमा युनियन लाईफ इन्स्योरेन्स र रिलायवल इन्स्योरेन्स कम्पनीले अर्ब रुपैयाँभन्दा बढीको बीमा व्यवसाय गरेका छन् । बीमा समितिको तथ्यांक अनुसार चालु आवको दोस्रो त्रैमाससम्ममा युनियन लाईफ इन्स्योरेन्स कम्पनीले २ अर्ब ४१ करोड रुपैयाँ बीमाशुल्क आम्दानी गरेको छ । त्यस्तै, रिलायवल लाईफ इन्स्योरेन्स कम्पनीले १ अर्ब ८ करोड रुपैयाँ बीमाशुल्क संकलन गरेको छ ।

Leave a Reply

Your email address will not be published. Required fields are marked *