धनगढी जेसिसको पदस्थापन सम्पन्न
धनगढी,२३ पुस
धनगढी जेसिसको ३४ औं पदस्थापना तथा पुरस्कार वितरण समारोह शनिबार धनगढीमा सम्पन्न भएको छ । धनगढी जेसिस बर्ष २०१६ का अध्यक्ष हेमराज ओझाले २०१७ का अध्यक्ष टेकराज पनेरुलाई पद हस्तान्तरण गरेका छन् । कार्यक्रममा सांसद पुष्करनाथ ओझा प्रमुख अतिथी रहेका थिए ।
कार्यक्रममा लोकेन्द्र मोहन युवा बर्ष सम्मान २०१६ सहजपुरमा ब्यबसायीक च्याउ खेती गर्ने फारवेष्ट एग्रो फर्मका संचालक मनोज पडाललाई प्रदान गरिएको छ । उनलाई कार्यक्रमका प्रमुख अतिथी पुष्करनाथ ओझाले नगद ५ हजार सहित सम्मान गरेका हुन । यसैगरी ‘उत्कृष्ट जेसी अफ द ईयर २०१६’ ले लोकेन्द्र पनेरु सम्मानित भएका छन् । धनगढी जेसिसका कार्यकारी उपाध्यक्ष नरेश धामीले स्वागत मन्तब्य ब्यक्त गरेको कार्यक्रमको संचालन महासचिब यज्ञराज ओझाले गरेका थिए ।
