Date

शुक्र, बैशाख ७, २०८१
Fri, April 19, 2024

अब सी–आश्बा पनि अनिवार्य, सीआरएन नम्बर लिएर घरबाटै शेयर भर्न सकिने

अब सी–आश्बा पनि अनिवार्य, सीआरएन नम्बर लिएर घरबाटै शेयर भर्न सकिने

काठमाडौं, ९ माघ । सीडीएस एन्ड क्लियरिङ लिमिटेडले आज एक सूचना प्रकाशित गरी सी–आश्बा प्रणाली अनिवार्य गरेको छ । गत वर्षको माघबाट आश्बा प्रणाली अनिवार्य गरेको धितोपत्र बोर्डले सीडीएसले तयार पारेको अनलाइनमा आधारित सी–आश्बा प्रणालीसम्बन्धी निर्देशिका स्वीकृत गरेसँगै आजकै मितिबाटै अनिवार्य गरिएको सूचनामा उल्लेख छ ।

आश्बा प्रणालीमा आफ्नो खाता रहेको बैंकको कुनै पनि शाखामा गएर बैंकले तोकेको ढाँचामा डिजाइन गरेको फर्म भरेर आइपीओ÷एफपीओ भर्नुपर्ने व्यवस्था थियो । सी–आश्बा प्रणालीमा सर्वप्रथम सम्बन्धित बैंकमा गएर सीआएन नम्बर लिनुपर्दछ र अनलाइनमार्फत सीडीएसले उपलब्ध गराएको मेरो शेयर अनलाइनमार्फत केही मिनेटमै शेयर भर्न सकिने सुविधा उपलब्ध छ । सीडीएसका अनुसार हालसम्म २५ वटा बैंक तथा वित्तिय संस्था मात्रै सी–आश्बामा सुचीकृत रहेकोमा सीडीएसले अनिवार्य गरेपछि धितोपत्र बोर्डबाट स्वीकृति प्राप्त सबै बैंक तथा वित्तिय संस्था सी–आश्बामा सुचीकृत हुन बाध्य भएको छ । यसबाट छोटो समयमा आइपीओ एफपीओको बाँडफाँड हुनुका साथै लगानीकर्ताले पनि सोही प्रकृतिको फर्म हरेक पटकको आइपीओ÷एफपीओमा भर्नुपर्ने बाध्यताको अन्त्य भएको छ ।

सीआश्बामार्फत लगानीकर्ताले शेयर भर्दा आफ्नो बैंक खाता र डिम्याट खातालाई सम्बन्धीत बैंक मार्फत मिलान गराउनुपर्नेछ । त्यसपछि बैंकले लगानीकर्तालाई सि आश्वा रजिष्ट्रेशन नम्बर(सिआरएन) उपलब्ध गराउनेछ । सोही नम्बरका आधारमा लगानीकर्ताले आइपीओ, हकप्रद र एफपीओमा घरबाटै आवेदन दिन सक्नेछन् ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x