साइन रेसुंगा डेभलपमेन्ट बैंकद्वारा प्यूठान नगरपालिकालाई पीपीई सहयोग

प्यूठान, २९ चैत । साइन रेसुंगा डेभलपमेन्ट बैंक लिमिटेडले प्यूठान नगरपालिकालाई व्यक्तिगत सुरक्षा सामग्री (पीपीई) सहयोग गरेको छ । कोरोना भाइरसको महामारी रोकथाम तथा संक्रमण फैलिन नदिन बैंकको बिजुवार शाखाका अधिकृत मेघराज पोख्रेलले शुक्रवार नगरपालिका प्रमुख अर्जुनकुमार कक्षपतिलाई ५० थान पीपीई हस्तान्तरण गरेका हुन् ।
देश अप्ठ्यारो परिस्थितिबाट गुज्रिरहेकाले सामाजिक उत्तरदायित्व अन्तर्गत नगरपालिकालाई सो सहयोग गरिएको पोख्रेलले बताए । यस्तो अवस्थामा व्यक्तिगत सुरक्षा सामग्रीले स्वास्थ्यकर्मीको मनोबल उच्च हुने प्यूठान नगरपालिकाका प्रमुख अर्जुनकुमार कक्षपतिले बताए