माघ मसान्त भित्र आय–व्ययको विवरण पेश गर्न दलहरुलाई आयोगको आग्रह

काठमाडौं, १५ माघ । निर्वाचन आयोगले दलहरुलाई आय–व्ययको सम्पूर्ण विवरण आगामी माघ मसान्तसम्म बुझाउन आग्रह गरेको छ । राजनीतिक दलसम्बन्धी ऐन २०७३ को दफा ४१ को उपदफा १ मा आर्थिक बर्ष समाप्त भएको ६ महिनाभित्र आय–व्ययको लेखापरीक्षण कानुन बमोजिम इजाजतप्राप्त लेखा परीक्षकबाट गराई एक महिनाभित्र आयोगमा पेश गर्नुपर्ने व्यवस्था भएअनुसार गर्न सूचना जारी गरि सम्पूर्ण दलहरुलाई आग्रह गरेको हो ।

यस्तै, आयोगले प्रदेश सभा निर्वाचनमा उम्मेदवार र दलले गरेको खर्च विवरण पेश गर्न पनि आग्रह गरेको छ । प्रदेश सभातर्फ समानुपातिकको मतपरिणाम समेत आईसकेको अवस्थामा अन्तिम मतपरिणाम सार्वजनिक भएको ३५ दिनभित्र खर्च विवरण पेश गर्न आयोगले सम्पूर्ण राजनीतिक दलहरुको ध्यानाकर्षण गराएको हो ।

Leave a Reply

Your email address will not be published. Required fields are marked *