रोयल फ्लाइटबाट ११० रुसी नागरिक फर्किए स्वदेश

काठमाडौँ, ८ वैशाख । रोयल फ्लाइट एयरलाइन्सबाट ११० रुसी नागरिक सोमवार स्वदेश फर्किएका छन् । त्रिभुवन अन्तर्रा्ष्ट्रिय विमानस्थलबाट रुसी नागरिक लिएर रोयल फ्लाइटको चार्टर्ड जहाज रूस प्रस्थान गरेको विमानस्थलका महाप्रबन्धक देवेन्द्र केसीले जानकारी दिएका छन् ।
रूसको जोइन्ट स्टक कम्पनीद्वारा सञ्चालित चार्टर्ड वायुसेवा कम्पनी रोयल फ्लाइट रुसी नागरिक लिन सोमवार बिहान काठमाडौँ आएको थियो । लकडाउनका कारण नेपालमा रोकिएका नागरिक लैजान उक्त जहाजले चार्टर्ड उडान गरेको हो । नेपालस्थित रुसी दूतावासको पहलमा रसियाले आफ्ना नागरिक जहाज चार्टर्ड गरी स्वदेश फर्काएको बताइएको छ ।