Date

बिहि, चैत्र १५, २०८०
Thu, March 28, 2024

रुपन्देही नृत्यकर्मी संघद्वारा घरबहाल छुटका लागि अपिल

रुपन्देही नृत्यकर्मी संघद्वारा घरबहाल छुटका लागि अपिल

हरिश ढकाल
बुटवल, ८ वैशाख । कोरोना भाईरस अर्थात (कोभिड १९) बाट नृत्यकला क्षेत्रमा पनि प्रत्यक्ष प्रभाव परेको भन्दै रुपन्देहीमा संचालित नृत्यकर्मीेहरुले घरबहाल छुटका लागि अपिल गरेका छन् । कोभिड १९ को संक्रमणबाट बँच्न र बचाउन सरकारले लकडाउनको घोषणा गरेसँगै बन्द हुन पुगेका रुपन्देहीका डेढ दर्जनभन्दा बढि नृत्य कला केन्द्रहरु (डान्स सेन्टर)ले संयूक्त रुपमा अपिल जारी गर्दै कम्तिमा १ महिनाको घरबहाल छुट गरिदिन घरबेटीसँग आग्रह गरेका छन ।

कोरोना भाईरसका कारण भाडामा बस्नेहरुलाई थप समस्या परेको ठहर गर्दै नेपाल सरकारले १ महिनाको भाडा नलिनु भन्दै घरधनीसँग अनुरोध गरेपनि सबैले लागु नगरेकोले समस्या उत्पन्न भएको नेपाल नृत्यकर्मी संघ, रुपन्देहीले जनाएको छ । लकडाउनका कारण प्रशिक्षार्थी र प्रशिक्षकको अभावमा बन्द भएका डान्स सेन्टरहरुसँग कम्तिमा १ महिनाको घरभाडा नलिन घरधनीसँग अनुरोध गर्दै नृत्यकर्मी संघ, रुपन्देहीले घरधनीका लागि पनि कम्तिमा १ महिनाको बैंक ब्याज मिनाहा गरिदिन सरकारसँग माग गरेको छ ।

नेपाल नृत्यकर्मी संघ, रुपन्देहीका अध्यक्ष मुकेश गुरुङ र उपाध्यक्ष प्रियन्का थापाले अपिल जारी गर्दै यो बिषम परिस्थितीमा उत्पन्न समस्याको घरमै बसेर समाना गर्न, लकडाउनको पालना गर्न र आफुलाई सुरक्षित राखी धैर्यता अपनाउन सबैसँग आग्रह समेत गरिएको छ । अपिलमा साधना साँस्कृतिक कला केन्द्र, सगरमाथा कला केन्द्र, सप्तरङी कला केन्द्र, कुमारी कला केन्द्र, भैरहवा कला केन्द्र, सारथि कला केन्द्र, नृत्यम कला केन्द्र, यस.एम. कला केन्द्र, पिसमाउन्ट कला केन्द्र, निहारिका कला केन्द्र, सैनामैना कला केन्द्र लगाएत बिभिन्न डेढ दर्जन नृत्यकला केन्द्रहरुको समर्थन रहेको समेत जनाइएको छ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x