हवाई उडान जेठ २ सम्म बन्द
काठमाडौं, १३ वैशाख । आन्तरिक तथा अन्तर्राष्ट्रिय हवाई उडान आगामी जेठ २ गतेसम्म बन्द रहने भएको छ । कोभिड–१९ सम्बन्धी उच्चस्तरीय समन्वय समितिको शनिबार बसेको बैठकले तत्काल हवाई उडान सुचारु नगर्ने निष्कर्ष निकालेको हो ।
यस अघि वैशाख १८ गतेसम्म ‘हवाई उडानहरु बन्द गर्ने निर्णय गरिएको थियो । यसलाई थप १५ दिन लम्ब्याईएको छ । त्यस्तै लकडलाउन लम्ब्याउँने वा फुकुवा गर्ने भन्ने निर्णय आगामी बस्ने मन्त्री परिसद्को बैठकले निर्णय गर्ने छ । हाल बैशाख १५ गतेसम्म लकडाउन कायम रहेको छ ।
