पशुपतिमा महाशिवरात्रिको तयारी तीब्र, १२ लाखले दर्शन गर्ने अनुमान

युवराज पन्त

काठमाडौं, २६ माघ । महाशिवरात्रि नजिकिएसँगै पशुपतिनाथ क्षेत्रमा तयारी तीब्र पारिएको छ । शिवरात्रीमा पशुपतिनाथको दर्शन गर्न आउने भक्तजनहरुको सहजताका लागि पशुपति क्षेत्र विकास कोषले आठ वटा उप–समितिहरु गठन गरि काम गरिरहेको जनाएको छ ।
आवास तथा भौतिक, स्वास्थ्य एवं वातावरण, प्रचारप्रसार, सन्त तथा धार्मिक कार्यक्रम, सुरक्षा तथा दर्शन, स्वयंसेवा लगायतका आठ उपसमिति गठन गरिएको कोषको प्रचार– प्रसार उपसमितिका सचिव राजेन्द्र धर राजोपाध्यायले जानकारी दिए ।

पशुपति क्षेत्रलाई सजावटको कार्य अन्तिम चरणमा पुगेको उनले बताए । अहिले वाग्मति नदिको सरसफाई, मन्दिर परिसरमा रङ्गरोगनको काम भइरहेको छ । सो दिन दर्शनार्थीका लागि तीनवटा मार्ग तय गरिएको छ । जसमा चावहिल –जयवागेश्वरी–भूवनेश्वरी हुदैं उत्तर मार्ग, गौसाला, वनकालीको हुदैं दक्षिण मार्ग,र जेष्ठ नागरिक, विदेशी भक्तालु एवं उच्च ओहदाका व्यक्तित्वहरुलाई पूर्व मार्गको ब्यवस्था गरिएको उनले जानकारी दिए ।

यस वर्ष नेपाल, भारत सहित श्रीलंका, इन्डोनेसिया, थाइल्याण्ड लगायतका देशबाट करिब १२ लाख दर्शनार्थीले पशुपतिनाथको दर्शन गर्ने अनुमान गरिएको छ ।

Leave a Reply

Your email address will not be published. Required fields are marked *