ज्योति विकास बैंकले संस्थापक शेयर समूहको ३.३५ प्रतिशत शेयर सर्वसाधारणमा परिणत गर्ने
काठमाडौं, १८ कात्तिक । ज्योति विकास बैंक लिमिटेडले हाल रहेको संस्थापक शेयर समूहको ५४.३५ प्रतिशत शेयरमध्ये ३.३५ प्रतिशत शेयरलाई सर्वसाधारण शेयरमा परिणत गर्ने भएको छ । बैंक सञ्चालक समितिको सोमबार बसेको बैठकले संस्थापक शेयर समूहमध्येको ३.३५ प्रतिशत शेयर सर्वसाधारण शेयरमा परिणत गर्ने निर्णय गरेको हो ।
उक्त कार्य सम्पन्न गर्नका लागि कम्पनी रजिष्ट्रारको कार्यालय, नेपाल धितोपत्र बोर्ड र सिडिएस एण्ड क्लियरिङ्ग लिमिटेडलाई पनि जानकारी गराइएको छ ।
नेपाल राष्ट्र बैंकको स्वीकृति लगायत सो सम्बन्धमा गर्नुपर्ने अन्य आवश्यक प्रक्रिया अगाडि बढाउँन प्रमुख कार्यकारी अधिकृतलाई अख्तियारी प्रदान गरिएको छ ।
