बुक विल्डिङ्ग विधिबाट निष्कासन हुने आईपिओको मूल्य निर्धारण गर्न ४६ कम्पनीलाई स्वीकृति (सूचिसहित)
काठमाडौं, २३ पुस । बुक विल्डिङ्ग विधिमार्फत् निष्कासित हुने आईपिओको लागि योग्य संस्थागत लगानीकर्ताको रुपमा कार्य गर्न ४६ कम्पनीले स्वीकृति पाएका छन् । नेपाल धितोपत्र बोर्डमा उक्त कार्यका लागि ६२ कम्पनीले निवेदन दिएकामा ४६ कम्पनीले स्वीकृति पाएका हुन् । स्वीकृति पाउनेमा बैंक, विकास बैंक, मर्चेन्ट बैंक, इन्स्योरेन्स लगायत रहेका छन् ।
नेपाल धितोपत्र बोर्डले बुक विल्डिङ्ग विधि मार्फत निष्काशित हुने आईपिओको लागि योग्य संस्थागत लगानीकर्ताको रुपमा कार्य गर्न आवेदन माग गरेको थियो । आवेदन दिने तोकिएको म्याद सकिएको भएपनि निवेदन बुझ्ने प्रक्रिया निरन्तर चलिरहेको बोर्डले जनाएको छ ।
बोर्डबाट स्वीकृति पाएपछि अब उनीहरुले बुक विल्डिङ्ग विधिमार्फत निष्काशित हुने आईपिओमा सहभागिता जनाउन सक्ने छन् ।
