Date

शुक्र, चैत्र १६, २०८०
Fri, March 29, 2024

काठमाडौंका ६० किमी सडकमा आधुनिक बत्ती जडानका लागि बोलपत्र आह्वान गरिँदै

काठमाडौंका ६० किमी सडकमा आधुनिक बत्ती जडानका लागि बोलपत्र आह्वान गरिँदै

काठमाडौं, २७ पुस । काठमाडौं महानगरपालिकाले उज्यालो काठमाडौं कार्यक्रम अन्तर्गत करिब ६० किमी सडक क्षेत्रमा आधुनिक बत्ती जडान गर्ने तयारी अन्तिम चरणमा पुर्‍याएको छ ।
यातायात व्यवस्थापन, शान्तिसुरक्षा, सामाजिक सुरक्षालगायत सेवासुविधालाई चुस्तदुरुस्त राख्न र शहरी सौन्दर्य अभिवृद्धि गर्न मुख्यमुख्य सडकमा करीब १ हजार ७५० आधुनिक बत्ती जडान गर्ने काम बोलपत्र आह्वानको चरणमा पुगिसकेको राससमा उल्लेख छ । करीब ८० स्थानमा उच्चमात्रामा प्रकाश दिनसक्ने बत्ती (हाइमास्ट लाइट) जडान गर्नेलगायत केही महत्वपूर्ण काम तीव्रगतिमा अघि बढाइएको छ ।
महानगरपालिका क्षेत्रभित्रका मुख्यमुख्य सडकमा जडान गरिने आधुनिक सडक बत्तीमा कामपा र नेपाल विद्युत् प्राधिकरणको संयुक्त लगानी रहनेछ । औपचारिक रूपमा गरिएको सहमतिअनुसार सडक बत्ती जडानमा कामपाको ६० र प्राधिकरणको ४० प्रतिशत लगानी रहनेछ ।
कामपाका प्रमुख विद्यासुन्दर शाक्यले गत मंसिर २५ गते कामपा, प्राधिकरण र सडक विभागबीच सहमतिपत्रमा हस्ताक्षर भइएसँगै कापपाले प्रक्रिया अघि बढाएको जानकारी दिएका छन् । महानगरलाई रातमा पनि उज्यालो र झिलीमिली बनाएर उज्यालो सङ्घीय राजधानीको चिनारी दिन ‘मेयर उज्यालो अभियान’ अन्तर्गत आधुनिक सडक बत्ती जडान अघि बढाइएको हो ।
शहरी पूर्वाधार विकास विभागका प्रमुख रामबहादुर थापाका अनुसार पहिलो चरणमा विमानस्थलदेखि त्रिपुरेश्वर हुँदै कलंकीसम्म, त्रिपुरेश्वरदेखि महाराजगञ्जसम्म र सिंहदरबार वरिपरि आधुनिक सडक बत्ती जडान गरिनेछ ।

पुतली सडकदेखि बालुवाटारसम्म र त्रिभुवन विमानस्थलदेखि हयात होटलसम्मको सडक खण्ड पनि पहिलो चरणमा समेटिएको छ । यस चरणमा करीब ६० किलोमिटर सडक खण्डमा करीब एक हजार ७५० बत्ती जडान गर्ने तयारी भएको छ । यसका लागि पहिलो चरणमा करीब रू. ११ करोड लागत हुनेछ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x