कतारमा श्रमिकको न्यूनतम पारिश्रमिक एक हजार रियाल, नेपालीसहित अन्य आप्रवासी कामदार लाभान्वित

काठमाडौं, ९ चैत । नेपालीहरुको रोजगारीको प्रमुख गन्तव्य मुलुक कतारमा श्रमिकहरुको न्यूनतम पारिश्रमिक एक हजार रियाल (३० हजार रुपैयाँ) पुगेपछि नेपालीसहित अन्य आप्रवासी कामदार लाभान्वित हुने भएका छन् । कतारको प्रशासनिक विकास, श्रम तथा सामाजिक विकास मन्त्रालयले गत छ महिना पहिले नै घोषणा गरेको उक्त पारिश्रमिक शनिवारबाट लागू भएको हो ।

न्यूनतम तलब सुविधा कार्यान्वयन गर्नुपर्ने बाध्यकारी व्यवस्था ल्याए पनि कतारमा पाँच हजारभन्दा बढी कम्पनीले यसअघि नै न्यूनतम तलब सुविधा कायम गरिसकेको जनाएका छन् । कतारी रोजगारदाता कम्पनीले कतारमा रोजगारीमा रहेका सबै आप्रवासी श्रमिकलाई न्यूनतम तलब एक हजार रियाल र अन्य सेवा सुविधा उपलब्ध गराउनु पर्नेछ ।

नयाँ व्यवस्थाअनुसार रोजगारदाता कम्पनीहरूले सोहीअनुरूप श्रमिकसँगको रोजगार करारपत्रमा पनि संशोधन गर्नुपर्ने छ । यो व्यवस्थाले हाल कतारमा रहेका साढे चार लाख नेपाली कामदारले पनि लाभ पाउने छन् ।

Leave a Reply

Your email address will not be published. Required fields are marked *