India VS Pakistan
काठमाडौं, २ वैशाख । नबिल बैंकले ‘नबिल स्मार्टबैंक एप’मा कार्ड इन्टिग्रेसन सुविधाको शुरुवात गरेको छ । यस सुविधाअन्तर्गत अब ग्राहकले आफ्नो कार्डको जानकारी, जस्तै– कार्ड स्टेटमेन्ट, कारोबारको विवरण, कार्ड ब्यालेन्सका साथै कार्ड सक्रियता÷निष्क्रियता तथा कार्ड मार्फत साइनअप जस्ता कार्य नबिल स्मार्टबैंक एपद्वारा नै गर्न सक्नेछन् ।
विश्वव्यापी रुपमा फैलिएको कोभिड १९ महामारीको समयमा ग्राहकहरुको हित तथा आवश्यकतालाई मध्यनजर गर्दै सुरक्षित सुविधा प्रदान गर्ने उद्देश्यले नबिल बैंकले यो सुविधा डेबिट, क्रेडिट, तथा प्रिपेड कार्डहरुमा उपलब्ध गराएको छ ।
सन् १९८४ देखि आफ्ना ग्राहकहरुलाई समायनुकूल सेवा प्रदान गर्दै आएको नबिल बैंकको ११९ शाखा, १८५ एटिएम र १५०० भन्दा बढि नबिल रेमिट एजेन्ट रहेका छन् ।
