शुक्रबार सुनको मूल्य ५०० घट्यो

काठमाडौं, १० वैशाख । साताको अन्तिम कारोबार दिन शुक्रबार (आज) सुनको मूल्य ५०० रुपैयाँ घटेको छ । बिहीबार प्रतितोला ९२ हजार २०० सय रुपैयाँमा कारोबार भएको सुन आज प्रतितोला ९१ हजार ७०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
तेजावी सुन प्रतितोला ९१ हजार २०० रुपैयाँमा कारोबार भइरहेको महासंघले जनाएको छ ।
शुक्रबार चाँदीको मूल्य पनि प्रतितोला १५ रुपैयाँ घटेको छ । हिजो प्रतितोला १ हजार ३३५ रुपैयाँमा कारोबार भएको चाँदी आज घटेर प्रतितोला १ हजार ३२० रुपैयाँमा कारोबार भइरहेको छ ।