खल्तीले महिलाद्वारा संचालित व्यवसायहरुलाई डिजिटल मार्केटिंगसँग जोड्दै
काडमाडौं, २१ जेठ । खल्ती डिजिटल वालेटले युएनसीडीएफ र युएनईएससीएपीसँग सहकार्य गरी महिलाद्वारा संचालित घरेलु, साना तथा मध्यम (एमएसएमईएस) उद्यमीहरुलाई निःशुल्क डिजिटल मार्केटिंग प्रदान गर्ने भएको छ । विभिन्न प्रशिक्षण दिई खल्तीले उक्त योजनामा महिला उद्यमीहरुलाई जोड्दै लाने बताएको छ ।
प्रशिक्षणले महिला उद्यमीहरुको व्यवसायलाई प्रभावकारी रूपमा वृद्धि गर्न थप मद्दत मिल्ने विश्वास छ । खल्ती डिजिटल वालेटका परियोजना संयोजक प्रभात कुमार झाका अनुसार सेवा र उत्पादनको निःशुल्क डिजिटल मार्केटिंग प्रदान गर्न र बिक्री बढाउनका लागि हाइपरलोकल मार्केट अर्थात् खल्ती बजारमा पनि एमएसएमईएस उद्यमीहरुलाई ल्याइएको हो ।
यस कार्यक्रमलाई थप प्रोत्साहित गर्नका लागि खल्तीले विभिन्न बैंकहरुसँग सहकार्य गरी सहभागी महिलाहरुलाई निःशुल्क बैंक खाता बनाउन सहयोग गर्दै आइरहेको छ । यस कार्यक्रमले महिला व्यवसायीहरुलाई हरेक व्यापारिक कारोबार सजिलै डिजिटल माध्यम बाट गर्न प्रशिक्षण तथा तालिम प्रदान गरेको बताइएको छ ।
खल्ती डिजिटल वालेटले महिलाद्वारा संचालित व्यवसायीहरुलाई कसरी डिजिटाइज गर्ने विषयमा प्रशिक्षण संचालन गरिरहेको छ । इच्छुक व्यवसायीहरुले खल्तीले उपलब्ध गराएको फाराम भरी उक्त कार्यक्रममा सहभागी हुन सक्नेछन् । यसको साथै खल्तीले प्रत्येक सहभागीलाई आफ्नो टप–अपमा ४ प्रतिशत क्यासब्याक प्रदान गरेको छ । यसबाहेक, खल्तीले झन्झटरहित भुक्तानीको लागि निःशुल्क खल्ती क्यूआरहरू र महिला उद्यमीहरुको व्यवसाय प्रवद्र्धन गर्न निःशुल्क ५०० एसएमएस पनि उपलब्ध गराईरहेको छ ।
