उपत्यकामा भोलीदेखि २५ सिटभन्दा बढी क्षमताका सार्वजनिक सवारी जोर–बिजोर प्रणालीमा चलाइने
काठमाडौं, १४ असार । काठमाडौं उपत्यकामा जारी निषेधाज्ञालाई थप खुकुलो बनाउँदै एक साता लम्ब्याउने निर्णय गरेका छन् । आज बसेको काठमाडौं, भक्तपुर र ललितपुरका प्रमुख जिल्ला अधिकृतहरुको बैठकले भोलीदेखि जोर–बिजोर प्रणालीमा २५ सिटभन्दा बढी क्षमताका सार्वजनिक सवारीसाधन संचालन गर्न दिने निर्णय गरेको छ ।
बिहान ६ देखि बेलुका ७ बजेसम्म ती सवारी संचालन गर्न पाइनेछ । भौतिक दूरी कायम गर्दै ती सवारी साधनलाई मंगलबारदेखि संचालन अनुमति दिइएको ललितपुरका प्रमुख जिल्ला अधिकारी ढुण्डीप्रसाद निरौलाले जानकारी दिए । उनीहरुले स्वास्थ्य मापदण्ड भने पालना गर्नुपर्नेछ।
यस्तै किराना तथा खाद्यान्न पसलहरु पनि दिनभर संचालन गर्न पाइनेछ।
