आर्थिक वर्षको पहिलो कारोबार दिन शेयर बजारमा उछाल, ११ अर्ब ६३ करोडको कारोबार

काठमाडौं, ३ साउन । आर्थिक वर्ष २०७८/७९ को पहिलो कारोबार दिन आइतबार (आज) शेयर बाजरमा हरियाली छाएको छ । आज कारोबारमा आएका १३ वटै समूहको परिसूचकमा हरियाली छाएको हो । आज विकास बैंक र बैंकिङ समूहको परिसूचक सर्वाधिक वृद्धि भएको छ । विकास बैंक समूह ५ प्रतिशत र बैंकिङ समूह ४ प्रतशितले वृद्धि भएको छ ।

आज नेप्से परिसूचक ९७.२१ अंकले वृद्धि भएर २९८०.६१ विन्दुमा रोकिएको छ । आज बजार ३.३७ प्रतिशतले वृद्धि भएको छ ।

आज ११ अर्ब ६३ करोड रुपैयाँभन्दा बढीको शेयर कारोबार भएको छ । २२१ कम्पनीको २ करोड ८८ लाख ६३ हजार ९३ कित्ता शेयर खरिद विक्री भएको छ । सर्वाधिक शेयर मूल्य वृद्धि समृद्धि फाइनान्स कम्पनी लिमिटेडको भएको छ । यो कम्पनीको शेयर मूल्य १० प्रतिशतले वृद्धि भएर ५१५ रुपैयाँ कायम भएको छ ।

Leave a Reply

Your email address will not be published. Required fields are marked *