काठमाडौंमा मोक्सी होटल खुल्ने
काठमाडौं, १४ साउन । काठमाडौंमा मोक्सी होटल खुल्ने भएको छ। मोक्सी ब्रान्डको चेन होटल काठमाडौंमा संचालन गर्न म्यारिट इन्टरनेशनल र हिमालय हस्पिटालिटी एन्ड होटलबीच एक सम्झौता सम्पन्न भएको छ ।
मोक्सी पनि म्यारियटकै ब्रान्ड हो। सन् २०२५ सम्म होटल सञ्चालनमा ल्याइसक्ने लक्ष्य राखिएको छ। यो सम्झौताले यस क्षेत्रमा सकारात्मक प्रभाव पर्ने म्यारियट इन्टरनेशनलका एसिया प्रशान्त क्षेत्रीय उपाध्यक्ष निरज गोभिलले बताए । यस्तै एमएस ग्रुपका निर्देशक गौरभ अग्रवालले काठमाडौंमा पहिलोपटक मोक्सी होटल खुल्ने भएसँगै आफूहरुको म्यारियटसँगको साझेदारी अझै बलियो हुने विश्वास व्यक्त गरे।
काठमाडौंको कमलादीमा होटल मोक्सी निर्माण हुनेछ । दुई रोपनी क्षेत्रफलमा बन्ने होटलमा एक सय कोठा हुने छ ।
