नेपाल राष्ट्र बैंकको सञ्चालकमा मरासिनी, पद तथा गोपनीयताको शपथ लिए
काठमाडौं, २० साउन । नेपाल राष्ट्र बैंकको सञ्चालकमा अर्थ सचिव मधुकुमार मरासिनी नियुक्त भएका छन् । सरकारको प्रतिनिधित्व गर्दै राष्ट्र बैंकको सञ्चालकमा बुधवार उनी नियुक्त भएका हुन् ।
मरासिनीले सर्वोच्च अदालतका तेजबहादुर केसीसमक्ष पद तथा गोपनीयताको शपथ लिएका छन् ।
यसअघि तत्कालीन अर्थ सचिव शिशिरकुमार ढुंगाना राष्ट्र बैंकको सञ्चालक थिए । ढुंगानाको अर्थमन्त्रालयबाट प्रधानमन्त्री कार्यालयमा सरुवा भएपछि मरासिनी अर्थसचिवको रुपमा सञ्चालक बनेका हुन् ।
