इपिएस मार्फत कोरिया जना माग भन्दा ११ गुण बढी आवेदन
युवराज पन्त
काठमाडौं, १९ चैत । कोरियाली भाषा परीक्षा इपिएस प्रणाली मार्फत कोरिया जानका लागि यस वर्ष ८२ हजार २ सय ६४ जनाले आवेदन दिएका छन् । इपिएस शाखाका प्रबक्ता शोभाकर भण्डारीका अनुसार गतबर्ष ७५ हजार ५ सय ८० जनाले आवेदन दिएकोमा यसपटक भने ६ हजार ६ सय ८२ जनाको बढी आवेदन परेको छ।
कृषि र उत्पादनमूलक तर्फ कोरियन भाषा इपिएस परिक्षा उत्तिर्ण प्रशिक्षार्थी लग्ने गरेको इपिएस शाखाले जनाएको छ । कृषितर्फ ३९ हजार ६ सय ४० जनाको आवेदन परेको छ। जसमा महिला ९ हजार ४ सय ६१ जना र पुरुष ३० हजार १ सय ७९ जना रहेका छन् । त्यस्तै उत्पादन तर्फ ४२ हजार ६ सय २४ जनाले आवेदन परेकामा ३९ हजार २ सय ८ जना पुरुष र ३ हजार ४ सय १६ जना महिला रहेको भण्डारीले जानकारी दिए ।
उनका अनुसरा यस वर्षको परिक्षा २०७५ साल जेठ २६ र २७ गते दुई चरणमा हुनेछ । काठमाडौं र पोखरामा परीक्षा केन्द्र तोकिएको छ । यसपटक जम्मा ७ हजार १ सय जना माग आएको छ । यसमध्ये उत्पादनमुलकतर्फ ४ हजार ८ सय जना र कृषि क्षेत्रतर्फ २ हजार ३ सय कोटा छ ।
