कामना सेवा विकास बैंकको पुनर्निर्मित डुम्रे शाखा कार्यालयको उद्घाटन
काठमाडौं, ३२ साउन । कामना सेवा विकास बैंक लिमिटेडकोे तनहुँको बन्दीपुर गाउँपालिका–१ डुम्रेस्थित पुनर्निर्मित शाखा कार्यालय उद्घाटन गरिएको छ । कार्यालयद्वारा अझै सहज र छरितो रूपमा सेवा प्रदान गर्ने हेतुले हाल सञ्चालनमा रहेको कार्यालयको पुनर्निर्माण सम्पन्न गरी आइतवार बैंकका सञ्चालकहरू चतुराखर अधिकारी, देवकृष्ण काफले र बलराम बरालले संयुक्त रूपमा उद्घाटन गरेका हुन् ।
सोसियल मिडिया बैंकिङ, इन्टरनेट बैंकिङ, मोबाइल बैंकिङ, एसएमएस बैंकिङ लस्ता डिजिटल माध्यमबाट समेत सेवा प्रदान गर्दै आएको बैंकका १२९ वटा शाखा, १ वटा विस्तारित काउन्टर तथा ७२ वटा एटिएम सञ्चालनमा छन् ।
