बिहीबार नेप्से परिसूचक १७ अंकले बढेर बन्द, १३ अर्बको शेयर कारोबार

काठमाडौं, १० भदौ । साताको अन्तिम कारोबार दिन नेप्से परिसूचक १७.६० अंक वृद्धि भएर बन्द भएको छ । यो साता ३ दिन कारोबार भएकोमा २ दिन घटेको थियो । मंगलबार र बुधबार लगातार बजार उच्च अंकले घटेको थियो । आज सेन्सेटिभ इन्डेक्स ३.४० अंकले वृद्धि भएर ५७१.३९ विन्दुमा पुगेको छ । नेप्से परिसूचक ३०९४.०५ विन्दुमा रोकिएको छ ।

आज २३२ कम्पनीको २ करोड १६ लाख ९० हजार कित्ता शेयर १३ अर्ब ४२ करोड १९ लाख रुपैयाँमा खरिद विक्री भएको छ ।

८ वटा कम्पनीको शेयर मूल्य १० प्रतिशतले वृद्धि भएको छ । कारोबारमा आएका १३ वटा समूहमध्ये ५ वटा समूहको परिसूचक बढेको छ भने बाँकी समूहको परिसूचक घटेको छ । परिसूचक सर्वाधिक वृद्धि विकास बैंक, हाइड्रोपावर र फाइनान्स समूहको भएको छ । विकास बैंक र हाइड्रोपावर समूहको परिसूचक ४ प्रतिशत भन्दा बढीले वृद्धि भएको छ ।

Leave a Reply

Your email address will not be published. Required fields are marked *