Date

सोम, फाल्गुन २१, २०८०
Mon, March 4, 2024

निर्यात प्रोत्साहन रकम लिने प्रक्रिया सहज बनाउन हस्तकला व्यवसायीको माग

निर्यात प्रोत्साहन रकम लिने प्रक्रिया सहज बनाउन हस्तकला व्यवसायीको माग

काठमाडौं, १८ असोज । हस्तकला व्यवसायीहरुले सरकारले हस्तकला सामग्री निर्यातमा उपलब्ध गराउँदै आएको नगद प्रोत्साहन (अनुदान) लिने प्रक्रिया झन्झटिलो भएको गुनासो गरेका छन् । सरकारले हस्तकलाका सामग्री निर्यात गर्ने उद्योगीलाई ३ प्रतिशतदेखि ५ प्रतिशतसम्म नगद अनुदान दिने व्यवस्था गरेको छ । तर, कागजी प्रक्रिया र अन्य प्रशासनिक झमेलाले गर्दा सरकारले दिएको नगद अनुदान अधिकांशले लिन नसकेको नेपाल हस्तकला महासंघका उपाध्यक्ष रविन्द्र शाक्यले बताए ।

डिजिटल प्रविधिको प्रयोग गरेर यसलाई सहज बनाउनुपर्ने उनीहरुको माग छ ।

अझ सरकारले उक्त रकम पनि उद्यमीलाई मात्र दिने गरेको छ । ट्रेडिङ हाउसहरुलाई उक्त सुविधा छैन । तर नेपालमा अधिकांश निर्यात ट्रेडिङ हाउसमार्फत हुने गरेकाले सरकारी नीति विभेदकारी भएको उनको गुनासो छ ।

प्रत्यक्ष निर्यात, अपत्यक्ष निर्यात र आन्तरिक खपत गरी वार्षिक करिब २० अर्ब हस्तकला कारोबार हुने गरेको थियो । तर कोरोनाका कारण आन्तरिक बजार पनि प्रायः ठप्प रहेको छ । करिब ७ खर्ब लगानी र व्यवसायी र कामदार गरी ११ लाखभन्दा बढी व्यक्ति संलग्न रहेको महासंघले जनाएको छ।

नेपाली हस्तकला सामग्रीको सबैभन्दा धेरै मग अमेरीकामा छ । त्यस्तै चीन, जर्मनी, जापान, बेलायत, क्यानडा, नेदरल्याण्ड्स, भारत लगायत मुलुकमा पनि यसको माग उत्तिकै रहेको छ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x