India VS Pakistan
काठमाडौं, ७ माघ । उपत्यकामा माघ ७ गते बिहिबार रातिबाट लागु हुने यातायातमा जोर बिजोर प्रणाली लागू गर्ने निर्णय भएको छ ।
बढदो कोरोना संक्रमणलाई मध्यनजर गर्दै उपत्यकाका प्रमुख जिल्ला अधिकारीहरुले बिहिबार यस्तो निर्णय गरेका हुन् ।
माघ ७ गते राति १२ बजेबाट यातायातमा जोर बिजोर प्रणाली लागू गर्ने निर्णय गरिएको ललितपुरका प्रमुख जिल्ला अधिकारी घनश्याम उपाध्यायले बताए ।
त्यसैगरी अब सार्वजनिक र निजी सवारी साधन जोर गते जोर र बिजोर गते बिजोर नम्बरका मात्र चल्न पाउने छन् । सार्वजनिक सवारीका चालक र सहचालकले मास्क र फेस सिल्ड अनिवार्य लगाउनुपर्नेछ ।
स्वास्थ्य सामग्री बोकेका सवारीसाधन, एम्बुलेन्स, दमकल, शववाहन तथा पेट्रोलियम पदार्थसहित अनिवार्य आवश्यकता पर्ने ढुवानीका सामान बोकेका सवारीलाई जोर बिजोर लागू हुने छैन ।
