सबै क्षेत्रलाई समेट्ने गरी सरकारले नयाँ बजेट ल्याउने ःअर्थमन्त्री खतिवडा

अर्थमन्त्री डा. युवराज खतिवडाले सबै क्षेत्रलाई समेट्ने गरी सरकारले नयाँ बजेट ल्याउने बताउनुभयो । राजधानिमा आयोजित नेपाल व्यवस्थापन संघ द्धारा आयोजित पुर्व बजेट सम्बन्धी अर्नतक्रिया कार्यक्रममा बोल्दै उहाँले सो कुरा बताउनु भएको हो । नयाँ बजेटले सबै क्षेत्रलाई सन्तुलनमा ल्याउने विस्वास समेत उहाँले व्यक्त गर्नुभयो । सोहि अवसरमा बोल्दै ‘निर्वाचन क्षेत्र पूर्वाधार कार्यक्रम’ कटौति गर्न नसकिने पनि स्पष्ट पार्नु भयो । बजेट राजनीतिक तथा आर्थिक दस्ताबेज भएकाले यसले संसददेखि जनतासम्मलाई नयाँ सन्देश दिनुपर्नेे भनाई उहाँको छ अर्थमन्त्री खतिवडाले मुलुकमा रहेका बर्गीय, जातीय, क्षेत्रीय, लैंगिक सबै क्षेत्रलाई सन्तुलनमा ल्याउने उदेश्य आगामी आर्थिक वर्षको बजेटमो हुने पनि बताउनु भयो ।

यस्तै अनुदान, कर अथवा ऋणको सहायता विना नै वजेट ल्याउने जस्ता असम्भव तर्क नगर्न पनि आग्रह गर्नुभयो । सोहि कार्यक्रममा नेपाल उद्योग परिसंघका अध्यक्ष डा. हरिभक्त शर्माले उद्यमशीलताको माध्यामबाट मुलुकलाई समृद्ध बनाउने गरी बजेट ल्याउन सरकारको गम्भिर ध्यानाकर्षण गराउनु भयो । उहाँले नयाँ बजेट उत्पादनशील क्षेत्रमा लगानी बढाउने गरी ल्याउनपर्ने कुरामा जोड दिनुभयो साथै बजेटले आयातित बस्तुहरुको बढदो आकर्षणलाई घटाउँदै लैजानुपर्ने बताउनुभयो ।

सोहि कार्यक्रममा संघियता विज्ञ डा. खिमलाल देवकोटाले बजेट कार्यान्वयनका लागी सरकारले सबै प्रदेशका लागी उचित बजेट व्यवस्थापनमा जोड दिनुभयो । संवैधानिक व्यवस्था अनुसार सरकारले आगामी आर्थिक वर्ष २०७५ ७६ आय व्ययको अनुमानित बजेट जेठ १५ गते भित्र संसदमा पेश गर्नुपर्ने छ ।

Leave a Reply

Your email address will not be published. Required fields are marked *