मार्चमा १८० प्रतिशतले बढ्यो पर्यटक आगमन
काठमाडौं, २१ चैत । सन् २०२२ को मार्च महिनामा नेपाल आउने पर्यटक संख्या १८० प्रतिशतले बढेको छ । पर्यटन विभागले दिएको जानकारी अनुसार मार्चमा ४२ हजार ६ जना बाह्य पर्यटक नेपाल आएका छन् । सन् २०२१ को सोही महिनामा १४ हजार ९७७ जना पर्यटक आएका थिए ।गत मार्चमा आएका पर्यटकको संख्या गतवर्षको सोही महिनाको तुलनामा १८० दशमलव ४७ प्रतिशत हो ।
विभागका अनुसार सोही अवधिमा नेपालबाट बाहिरिएका बाह्य पर्यटकको संख्या २४ हजार ३६ रहेको छ ।
