नेपाल व्यवस्थापन संघ (म्यान)को अध्यक्षमा पौडेल

काठमाण्डौ, २७ चैत । नेपाल व्यवस्थापन संघ (म्यान)को आगामी दुईवर्षे कार्यकालका लागि नयाँ नेतृत्व चयन भएको छ । शनिवार सम्पन्न संघको निर्वाचनबाट उपेन्द्र पौडेलको अध्यक्षतामा नयाँ कार्यसमिति चयन भएको हो । नबिल बैंकका अध्यक्ष समेत रहुनुभएको पौडेल व्यक्तिगततर्फ सबैभन्दा बढी मत ल्याएर संघको अध्यक्षमा निर्वाचित हुनुभएको हो । बैंकिङ क्षेत्रमा उहाँको ३० वर्षभन्दा बढीको अनुभव रहेको छ । संघको अध्यक्षका लागि लक्ष्मी बैंकका अध्यक्ष रहनुभएको रमण नेपालको पनि दाबी थियो ।
संघको शुक्रवार सम्पन्न साधारणसभामा विभिन्न सातवटा कार्यपत्र प्रस्तुत गरिएको थियो । सो अवसरमा संघले प्रदान गर्दै आएको म्यानेजमेन्ट अफ इयर उपाधि २०७८ एनआइसी एशिया बैंकका प्रमुख कार्यकारी अधिकृत रोशन न्यौपानेलाई प्रदान गरिएको छ ।