नेपालले पायो अमेरिकाबाट ७९ अर्ब ७१ करोड अनुदान

काठमाडौं, २२ वैशाख । अमेरिकाले नेपाललाई ७९ अर्ब ७१ करोड रुपैयाँ अनुदान दिने निश्चित भएको छ । आगामी ५ वर्ष भित्र खर्च गर्ने गरी अन्तराष्ट्रिय विकासका लागि अमेरिकी सहयोग नियोग ९यूएसआईडी०मार्फत नेपालले यो रकम प्राप्त गर्ने भएको हो ।
उक्त सहयोग उपलब्ध गराउने सम्बन्धमा अर्थ मन्त्रालय र यूएसआइडीबीच बिहीबार अर्थमन्त्रालयमा आयोजित एक कार्यक्रममा हस्ताक्षर भएको हो ।
यो रकम नेपाललाई मध्यम आययुक्त मुलुकमा स्तरोन्नती हुने नेपालको प्रयासमा खर्च हुने बताइएको छ । सम्झौतामा अर्थ मन्त्रालयको अन्तर्राष्ट्रिय आर्थिक सहयोग समन्वय महाशाखाका प्रमुख इश्वरीप्रसाद अर्याल र यूएसआइडीका नेपाल निर्देशक सेपिदेश केवंशदले हस्ताक्षर गरेका छन ।
यो सहायता नेपालको शिक्षा, स्वास्थ्य, दीगो उर्जा र कृषि विकासमा उपयोग गरिने मन्त्रालयले जनाएको छ । अनुदानका सबै कार्यक्रम बजेटको रातो किताबमा प्रकाशित गरि पारदर्शी रुपमा कार्यान्वयन हुने समेत मन्त्रालयले बताएको छ ।