सुनचाँदीको मूल्य लगातार स्थिर, कतिमा हुँदैछ कारोबार ?

काठमाडौं, १० जेठ । यस साताको तेस्रो कारोबार दिन मंगलबार सुनचाँदीको मूल्य स्थिर रहेको छ ।

आइतबार देखि मूल्य स्थिर रहेर कारोबार भएको सुनचाँदीको मूल्यमा आज पनि कुनै परिर्वतन भएको छैन ।

आइतबार र सोमबार छापावाला सुन प्रतितोला ९८ हजार र चाँदी प्रतितोला १२ सय ७० रुपैयाँमा कारोबार भएको थियो । यस्तै आज मंगलबार पनि सुनचाँदीको मूल्य कुनै परिर्वतन नभइ सुन प्रतितोला ९८ हजार र चाँदीको प्रतितोला १२ सय ७० रुपैयाँमा नै कारोबार भएको नेपाल सुनचाँदीमहासंघले जनाएको छ ।