सुन प्रति तोला तिन सय रुपैयाँले घट्यो, चाँदीको मुल्य भने स्थिर

काठमाडौं, ३ जेठ । स्थानिय बजारमा विहीबार सुनको मुल्य घटेको छ । नेपाल सुनचाँदी व्यवसायी महासंघको अनुसार आज छापावाला सुनको मुल्य प्रति तोला ५८ हजार चार सय रुपैयाँ रहेको छ । जुन हिजोको तुलनामा प्रति तोला तिन सय रुपैयाँले कम हो । महासंघको अनुसार हिजो छापावाला सुन प्रति तोला ५८ हजार सात सय रुपैयाँमा कारोबार भएको थियो ।

अन्तर्राष्ट्रिय बजारमा सुनको मुल्यमा आएको कमीको कारण स्थानिय बजारमा समेत यसको असर परेको हो । यस्तै विहीबार स्थानिय बजारमा तेजाबी सुनको मुल्य प्रति तोला ५८ हजार एक सय रुपैयाँ कायम गरिएको छ । हिजो बुधबार तेजाबी सुन प्रति तोला ५८ हजार चार सय रुपैयाँ थियो ।

यता स्थानिय बजारमा चाँदीको मुल्य भने स्थिर रहेको छ । हिजो बुधबार चाँदी तोलाको ७६५ रुपैयाँ रहेकोमा आज पनि सो मुल्यमा कारोबार भएको नेपाल सुनचाँदी व्यवसायी महासंघले जनाएको छ ।