अनलाईन ट्रेडिङ कारोबार यसै महिनाबाट शुरु, नेप्सेले दियो अनलाईन कारोबारबारे जानकारी

काठमाडौं, ६ जेठ । लामो समय देखी छलफलको विषय बनेको अनलाईन ट्रेडिङ शेयर कारोबार प्रणाली जेठ महिना भित्र संचालनमा ल्याउने तयारी नेपाल स्टक एक्सचेञ्जले गरेको छ । एक्सचेन्जले पूर्ण अनलाईन कारोबार प्रणाली यसै महिनाबाट परीक्षण गर्ने तयारी अन्तिम चरणमा पुर्याएको जानकारी दिएको छ । जसका लागि नेप्सेले शनिबार राजधानीमा पूर्ण अनलाईन कारोबार प्रणालीको डेमोन्स्ट्रेशन प्रस्तुत गर्यो ।

अनलाईन कारोबार प्रणाली लागुका लागि नेपाल स्टक एक्सचेन्ज र वाइको कम्पनी बिच २०७४ वैशाख ६ गते सम्झौता भएको थियो । उक्त सम्झौता अनुसार वाइको कम्पनीले अनलाईन कारोबार प्रणाली १४ महिना भित्र निमार्ण गरि नेप्सेलाई दिने भनिएको थियो ।

अनलाईन काराबोर प्रणाली लागु पछि लगानीकर्तामा अनलाइनको प्रयोग कसरी गर्ने, कस्तो सेवा पाइने, अहिलेको कारोबार प्रणालीभन्दा अनलाइन कसरी फरक छ लगायतका जिज्ञासाहरुका बारेमा नेप्सेले शनिबारको कार्यक्रममा बताएको थियो ।

नेप्सेका अनुसार सेयर दलाल मार्फत लगानीकर्तालाई युजर नेम र पासवर्ड उपलब्ध गराइने छ । अनलाईन कारोबार प्रणालीमा लगानीकर्ताले युजर नेम र पासवर्ड पाएपछि ईन्टरनेटका माध्यमबाट सिधै शेयरको किनबेच गर्न सक्नेछन् ।

Leave a Reply

Your email address will not be published. Required fields are marked *